كورس اللغة الانجليزية الحضوري: مستفيدين كثير والمدربة ما مقصره واستوعبنا اشياء جديدة ما كنا نعرفها شكرا لكم

كورس الايلتس الاونلاين: بصراحه مس أميره تشتغل بضمير جدا وجهد مبذول واضح جداا من قبلها، جزاكم الله خيرا..

كورس اللغة الإنجليزية الاونلاين: الحمدلله تعلمت اشياء كثيره كانت مسببه لي تشتت ولا فاهمتنها ومع المس عرفتها والحلو بصراحه اسلوب المس وطريقه شرحها وتوصيلها للمعلومه وانا حابه كثيره انها تطرح علينا مواضيع ونحن مانكون محضرينها هاذا يخلي عقلنا يجمع ويتذكر كلمات ويكونها ف جمله ويطرحها وقتها

كورس اللغة الانجليزية الاونلاين: كان جيد جداً، أستفدت كثير من vocabulary الي درستهن وصرت أفهم المحادثات الي تصير فالدوام بسببهن. و أسلوب المس في إنها تخلينا نستخدم هذه المفردات فالتحدث كان وايد مفيد و ممتاز.

كورس الايلتس الحضوري: أحب أشارككم مشاعري بكل صدق بعد مشاركتي في دورة الآيلتس، وبالأخص تحت إشراف مس أميرة، اللي كانت أكثر من رائعة في أسلوبها وطريقتها في الشرح والتوجيه. في البداية كنت مترددة وخايفة إن الدورة ما تفيدني بالشكل اللي أحتاجه، لكن بصراحة طلع العكس تمامًا. الدورة كانت منظمة ومليئة بالمعلومات المفيدة، واستفدت منها كثير في كل المهارات – الكتابة، القراءة، الاستماع، والمحادثة. حسّيت فعلاً إن مستواي تطوّر، وصرت أفهم أشياء ما كنت أعرف أكتبها أو أتعامل معها من قبل. ومس أميرة بصراحة كانت رائعة جدًا في التدريس… شرحها سلس، وتوضح النقاط المهمة بأسلوب قريب وواضح، وتتابعنا خطوة بخطوة بكل صبر وتشجيع. التعامل كان راقٍ جدًا، ويكفي الابتسامة والدعم اللي يخلي الشخص يتحمس ويثق بنفسه. شكرًا من القلب على كل لحظة، وكل مجهود، وكل معلومة وصلتونا إياها. كانت تجربة جميلة جدًا، وممتنة لكل ما تعلمته من خلالكم